Ҡазанды ла күрҙек, Болғарҙа ла булдыҡ, матур тәьҫораттар алдыҡ беҙ

Кеше ғүмере буйына донъяны танып белеүҙән, уны өйрәнеүҙән бер ваҡытта ла туҡтамайҙыр. Күпме йәшәй, шул тиклем үк тирә-яҡ менән ҡыҙыҡһына, яңынан-яңы асыштарға ынтыла. Ниндәйҙер ер тураһында ишетеп белеү бер, ә бына барып күреү бөтөнләй икенсе төрлө итеп ҡабул ителә. Ошо көндәрҙә “Әннәби” йәмиғ мәсете мөфтөйө Рәмил хәҙрәт Насиров башланғысы менән күрше Татарстандың баш ҡалаһы Ҡазанға һәм Изге Болғар еренә ойошторолған сәйәхәт тә делегациялағы 71 кеше өсөн иң матур тәьҫораттар бүләк итеүендә бер шигем дә юҡ. Сөнки беҙ унан ғүмерлеккә һаҡланырлыҡ хәтирәләр алдыҡ, әллә күпме нәмәләр хаҡында белдек, күреп һоҡланып ҡайттыҡ.

Зәйтүнә Кашапова, “Аҡ калфак” төркөмө ағзаһы:

- Минең экскурсия менән Татарстан еренә килеүем тәүгегә. Тәьҫораттар әйтеп бөтөргөһөҙ. Ҡазан ҡалаһының матурлығына, таҙалығына, бөхтәлегенә хайран ҡалып йөрөйбөҙ. Тарихтарын, мәҙәниәттәрен бик ныҡ ҡәҙерләйҙәр, һаҡлайҙар. Ҡалабыҙҙың ”Әннәби” мәсетенә беҙҙе ошолай ойоштороп алып килеүҙәренә бик рәхмәтлемен, үҙем генә ошондай сәйәхәткә сығып китергә йөрьәт итмәҫ инем. Ә бында инде беҙ төркөмдәштәр менән бергә килдек.

Марат хәҙрәт Ишбаев, Мәләүез районының Һәргәй ауылы имам-хатибы:

- Ике көн сәйәхәттә йөрөйбөҙ, бөгөн бына изге Болғар ерендәбеҙ. Электән үк ошонда килге килә ине. Аллаға шөкөр, хыялыбыҙ тормошҡа ашты. Тәүге көндө “Ҡол Шәриф” мәсетен күреп һоҡланғайныҡ, бөгөн боронғо ата-бабаларыбыҙ ислам ҡабул иткән ерҙәбеҙ. Ошо изге ерҙе килеп күрергә насип булды. Беҙҙең өсөн иҫтәлекле ваҡиға. Шәкерттәр ҙә, имамдар ҙа килде бында, ағинәйҙәр берләшмәһе ҡушылды. Ошолай берләшеп, ике автобус булып килеүебеҙгә ҡыуанабыҙ. Башҡа имандаш ҡәрҙәштәребеҙгә лә изге урындарға килһендәр, күрһендәр, тип теләйбеҙ. Сәфәребеҙҙе ойошторған Рәмил хәҙрәт Насировҡа рәхмәтебеҙ ҙур.

Фәрзәнә Сәлихова:

- Мин дә Марат хәҙрәттең әйтеүҙәренә ҡушылам. Күптәнге хыялым тормошҡа ашты. Ошо көндәрҙе күреүемә мин тәү сиратта, Аллаһы Тәғәләгә, ойоштороусыларға рәхмәт һүҙ-ҙәрен еткергем килә. Барыһы ла иҫәнлектә-һаулыҡта булһын, тағы ла ошондай изге ерҙәрҙә осрашырға насип булһын.

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714