Йүтәл аптыратһа

* 1 балғалаҡ бал, әнис орлоғо, бер семтем тоҙҙо бер стакан һыуҙа ҡайнатып сығарығыҙ, һөҙөгөҙ. Уны ике сәғәт һайын икешәр ҡалаҡ эсегеҙ.
* Алоэның аҫҡы япраҡтарын өҙөп алығыҙ. Йыуып, һутып һығығыҙ. Бер өлөш балға 5 өлөш алоэ ҡушып, ашар алдынан көнөнә 3 тапҡыр бер ай буйы эсергә.
* 0,5 л һөттө ҡайнатып, 1 сей йомортҡа болғатығыҙ, 1-әр ҡалаҡ бал, май ҡушып, әҙләп төнгә ҡаршы эсеп ятығыҙ.
Ҡулланыр алдынан табип менән кәңәшләшергә онотмағыҙ.