Иҫкәртерҙәр, дауаларҙар

Хроник ауырыуҙар асыҡланған, табиптың даими контроле кәрәк булған осраҡта, пациент диспансер күҙәтеүенә алына. Ошо пациенттар йылына бер нисә тапҡыр медицина тикшереүе үтергә тейеш. Әгәр кеше тикшерелеү хаҡында онотһа, медицина учреждениеһы хеҙмәткәрҙәре, шулай уҡ полис биргән страховка компанияһы вәкилдәре уның иҫенә төшөрә. Бынан тыш, страховка компаниялары халыҡтың мөрәжәғәттәре һәм ялыуҙары менән эшләргә, шулай уҡ бәхәсле хәл килеп тыуған осраҡта, уларға ярҙам итергә бурыслы. Әгәр пациент үткәрелгән тикшереүҙең һәм дауалауҙың сифатына шикләнһә, страховка вәкилдәре күрһәтелгән хеҙмәттәргә экспертиза тәғәйенләй.